ანტიკრიზისული საბჭოს სხდომის დასრულების შემდეგ "ქართული დასის" ლიდერი ჯონდი ბაღათურია და თავდაცვის მინისტრი ბაჩო ახალაია ურთიერთგამომრიცხავ კომენტარებს აკეთებენ.
როგორც ბაღათურიამ ჟურნალისტებს განუცხადა, დღევანდელ შეხვედრაზე განხილული იყო მისი ორივე სოციალური ინიციატივა და ახლა მხოლოდ ფინანსურ ნაწილში დახვეწა და მთავრობის ეკონომიკურ გუნდთან შეთანხმებაღა დარჩა.
"ძალიან ახლოს არის პერსპექტივა, რომ სამხედროებისა და პოლიციელების ხელფასი გაიზრდება 20%-ით და დაღუპული მეომრების ოჯახებს მეომრების ხელფასი შეუნარჩუნდებათ," - განაცხადა ბაღათურიამ.
ახალაის მტკიცებით კი, პარლამენტში ის არაფრის შესათანმხებლად არ მისულა.
მისი თქმით, ანტიკრიზისულ საბჭოს კითხვები მიმდინარე საკითხებთან და პრობლემატიკასთან დაკავშირებით ჰქონდა და სწორედ ამ საკითხებზე გასცა პასუხები
"არანაირი შეთანხმება არავისთან არ მომხდარა", _ განაცხადა მან.