ფონდმა "ღია საზოგადოება - საქართველო" კახეთის საინფორმაციო ცენტრის განვითარების პროექტი დააფინანსა. პროექტის მიზანი კახეთის საინფორმაციო ცენტრის ბაზაზე ყოველდღიურად განახლებადი რეგიონული ინტერნეტგაზეთის შექმნაა.
პროექტის ფარგლებში კახეთის საინფორმაციო ცენტრის ნიუსრუმისა და ადამიანური რესურსების განვითარებაა დაგეგმილი. ცენტრის კორესპონდენტებს დაატრენინგებს და კონსულტაციებს გაუწევს ეკა ფირცხალავა, ფონდ "ინტერნიუსის" ტრენერი, მედიამენეჯმენტისა და ჟურნალისტიკის პროფესიული სტანდარტების მიმართულებით. პროექტი 7 თვის განმავლობაში განხორციელდება.