დიდი ბრიტანეთის სამეფო ზარაფხანა ლეგენდარული როკჯგუფის Queen-ის პატივსაცემად მონეტა გამოუშვა.
როგორც იუწყებიან, ეს არის პირველი მონეტა საკოლექციო სერიიდან, რომლის გამოშვებასაც სამეფო ზარაფხანა Queen-ისადმი პატივისცემის ნიშნად გეგმავს.
მონეტაზე გამოსახულია როკჯგუფის ლოგო და მისი წევრების მუსიკალური ინტრუმენტები - ბრაიან მეის ელექტროგიტარა, როჯერ ტეილორის დასარტყამი ინსტრუმენტი, ჯონ დიკონის ბასგიტარა და ფრედი მერკურის მიკროფონი.
"პირველად ისტორიაში, ჩვენ გვაქვს ორი დედოფლის მონეტა [იგულისხმება დედოფალი ელისაბედ II და ჯგუფი Queen-ი, რომელიც ქართულად ითარგმნება, როგორც დედოფალი]", - განაცხადა სამეფო ზარაფხანის წარმომადგენელმა.
ახლადგამოშვებული მონეტები სამი სხვადასხვა სახით არის წარმოდგენილი - ოქროს, ვერცხლისა და ჩვეულებრივი მეტალის.
მონეტების ღირებულება 13-დან 2220 ფუნტ სტერლინგამდე მერყეობს.
ბრიტანეთის სამეფო ზარაფხანა მნიშვნელოვანი მოვლენების პატივსაცემად სხვადასხვა სახის მონეტებს ჭრის.
