უკრაინის საერთაშორისო ავიახაზების კუთვნილი თვითმფრინავი Boeing-737 ჩამოვარდა თეირანში, იმამ ჰომეინის საერთაშორისო აეროპორტიდან აფრენიდან მალევე.
ავიალაინერი რეისს კიევის მიმართულებით ახორციელებდა. ბორტზე იმყოფებოდა 180 მგზავრი და ეკიპაჟის წევრები.
ირანის წითელი ნახევარმთვარის ორგანიზაციის განცხადებით, ბორტზე მყოფი ყველა ადამიანი დაიღუპა.
წინასწარი ინფორმაციით, ავიაკატასტროფის მიზეზად ტექნიკური გაუმართაობა დასახელდა.
ირანული სახელმწიფო სააგენტოს IRNA-ს ინფორმაციით, ავიაკატასტროფის მიზეზი ძრავის აალება გახდა. როგორც IRNA იტყობინება, ეს ინფორმაცია მათ იმამ ჰომეინის აეროპორტის ადმინისტრაციამ დაუდასტურა.
სხვადასხვა წყაროს ცნობით, სამგზავრო თვითმფრინავში 167-დან 180-მდე ადამიანი იმყოფებოდა.