ანტიკრიზისული საბჭოს თავმჯდომარე გია თორთლაძე თავდაცვის მინისტრის წინაშე ორი რეკომენდაციის დაყენებას აპირებს. ანტიკრიზისული საბჭოს სხდომის დაწყების წინ, ჟურნალისტებთან საუბრისას, გია თორთლაძემ განაცხადა, რომ თავდაცვის სამინისტროში იდეოლოგიურმა ჯგუფმა უნდა გააძლიეროს თავისი არეალი.
"ხოლო თუ ასეთი ჯგუფი სამინისტროში არ არის, მაშინ აუცილებლად უნდა შეიქმნას, რომელიც განსაზღვრავს ჯარის იდეოლოგიას", _ განაცხადა მან.
მეორე რეკომენდაცია, რომელზედაც თორთალაძემ ისაუბრა, შეეხება იმას, რომ სამთო მომზადება გაიაროს ჯარის პირადი შემადგენლობის დიდმა ნაწილმა.
ანტიკრიზისული საბჭოს სხდომა დახურულ კარს მიღმა 17:00 საათზე დაიწყო.
