ისრაელის მიერ პალესტინის ტერიტორიების ოკუპაციის გამო, პალესტინის ეროვნული ავტონომიის (PNA) ეკონომიკა, გაეროს მონაცემებით, ბოლო ორი ათწლეულის განმავლობაში წელიწადში 2,5 მილიარდ დოლარს კარგავს.
2000-დან 2017 წლამდე პალესტინელთა ჯამური ზარალი 47,7 მილიარდ დოლარს შეადგენს, ნათქვამია გაეროს ვაჭრობისა და განვითარების კონფერენციის (UNCTAD) მოხსენებაში. იტყობინება Deutsche Welle-ი.
მოხსენებაში ნათქვამია, რომ UNCTAD-მა შეადგინა პალესტინის განვითარების მოდელი, რომლის მიხედვითაც 47.7 მლრდ დოლარის ინვესტიციის მიღების შემთხვევაში, პალესტინის ეკონომიკა 17 წლის განმავლობაში 2 მლნ ახალ სამუშაო ადგილს მიიღებდა.
1967 წლის ექვსდღიანი ომის შედეგად ისრაელმა დაიპყრო მდინარე იორდანეს დასავლეთ სანაპირო, იერუსალიმის აღმოსავლეთი ნაწილი და სირიის კუთვნილი გოლანის სიმაღლეები.
აღნიშნულ ტერიტორიებს გაერთიანებული ერების ორგანიაზცია ოკუპირებულად მიიჩნევს.