ხვალ, 2 ოქტომბერს, სოფლის მეურნეობის მინისტრს დეპუტატები მოუსმენენ. გურჯაანში დაგეგმილ შეხვედრაზე ბაკურ კვეზერელი დეპუტატებს "რთველი 2010"-ის მიმდინარეობის შესახებ ინფორმაციას მიაწვდის. როგორც 28 სექტემბრს გამართულ მთავრობის სხდომაზე ბაკურ კვეზერელმა განაცხადა, რომ კახეთში ყურძნის 90 %-ი უკვე დაბინავებულია.
კახეთში "რთველი 2010" აგვისტოს ბოლოს დაიწყო. წინასწარი გათვლებით, რეგიონში სულ 85 584 ტონა ყურძნის მოსავალია მოსალოდნელი. წინასწარი პროგნოზის მიხედვით, კახეთში 58 419 ტონა რქაწითელის, 22 831 ტონა საფერავის და 4 335 ტონა ჰიბრიდული ჯიშის ყურძენის მოსავალს ელოდებოდნენ, თუმცა რეალურად რა რაოდენობის ყურძენი დაიკრიფა და რამდენი გადაამუშავეს ქარხნებმა, ამაზე დეტალურ განცხადებას სოფლის მეურნეობის მინისტრი გააკეთებს.
საქართველოს მთავრობის განკარგულებით, რთველის სუბსიდირებისთვის მთავრობის სარეზერვო ფონდიდან 6,1 მილიონი ლარი გამოიყო.