საქართველოს მთლიანმა საგარეო ვალმა 8 მლრდ. 720 მლნ აშშ დოლარი შეადგინა; აქედან 2 მლრდ. 862 მლნ. 5 ათასი აშშ დოლარი იყო სამთავრობო სექტორის ვალი (32.8%), 852.6 მლნ აშშ დოლარი (9.8%) - ეროვნული ბანკის, 1 მლრდ. 456 მლნ. აშშ დოლარი (16.7%) - საბანკო სექტორის, 1 მლრდ. 336 მლნ აშშ დოლარი (15.3%) - სხვა სექტორებისა და 2 მლრდ. 212 მლნ. 8 ათასი აშშ დოლარი (25.4%) - კომპანიათაშორისი ვალი. მთლიანი საგარეო ვალის 95.1 პროცენტი დენომინირებულია უცხოური ვალუტით. ინფორმაციას სებ-ი 2010 წლის 30 ივნისის მდგომარეობით აქვეყნებს
2010 წლის მეორე კვარტალში საქართველოს მთლიანი საგარეო ვალი შემცირდა 53.4 მლნ აშშ დოლარით; აქედან 50.7 მლნ აშშ დოლარით შემცირდა სამთავრობო სექტორის უცხოური ვალდებულებები. ეროვნული ბანკის საგარეო ვალის კლებამ 26.2 მლნ აშშ დოლარი შეადგინა. წინა კვარტლების მსგავსად, კვლავ გააგრძელა შემცირება საბანკო სექტორის უცხოურმა ვალდებულებებმა დაიკლო რა 1.0 მლნ აშშ დოლარით. 12.2 მლნ აშშ დოლარით შემცირდა სხვა სექტორების საგარეო ვალდებულებები. საანგარიშო პერიოდში, ზრდა განიცადა უცხოურმა კომპანიათაშორისმა სესხებმა, სადაც მატებამ 36.7 მლნ აშშ დოლარი შეადგინა.
საგარეო ვალდებულებების ზრდა დაფიქსირდა ძირითადად ეროვნული ვალუტით. საანგარიშო კვარტლის განმავლობაში უცხოური ვალუტით დენომინირებული საგარეო ვალდებულებების რაოდენობა 93.7 მლნ აშშ დოლარით შემცირდა და პერიოდის ბოლოსათვის 8293.0 მლნ აშშ დოლარი შეადგინა. საპირისპიროდ, ეროვნული ვალუტით დენომინირებული საგარეო ვალი 40.3 მლნ აშშ დოლარი მატებით, 427.0 მლნ აშშ დოლარს გაუტოლდა.
სამთავრობო სექტორის საგარეო ვალი ოპერაციული ცვლილების შედეგად 14.9 მლნ აშშ დოლარით გაიზარდა, ხოლო საკურსო ცვლილებით გამოწვეული კლების გამო 65.7 მლნ აშშ დოლარით შემცირდა.
2010 წლის მეორე კვარტალში, საქართველოს ეროვნული ბანკის საგარეო ვალდებულებები, როგორც უკვე აღინიშნა, 26.2 მლნ აშშ დოლარით შემცირდა. კლების 13.0 პროცენტი (3.4 მლნ აშშ დოლარი) ოპერაციული ცვლილებით არის განპირობებული, ხოლო 87.0 პროცენტი (22.7 მლნ აშშ დოლარი) საკურსო ცვლილებების შედეგია.
საბანკო სექტორში, საანგარიშო პერიოდში გრძელვადიანი საგარეო ვალდებულებები 28.4 მლნ აშშ დოლარით შემცირდა. თუმცა ადგილი ჰქონდა საბანკო სექტორში არსებული მოკლევადიანი საგარეო ვალის ზრდას - 27.3 მლნ აშშ დოლარით. საკურსო ცვლილებების გამო, საბანკო სექტორის მთლიანმა საგარეო ვალმა, 2010 წლის მეორე კვარტალში 7.0 მლნ აშშ დოლარით მოიკლო.
სხვა სექტორების საგარეო ვალი, ოპერაციული და სხვა ცვლილების შედეგად, შესაბამისად 4.4 მლნ აშშ დოლარით და 20.9 მლნ აშშ დოლარით გაიზარდა, ხოლო საკურსო ცვლილებით გამოწვეული კლების გამო 37.4 მლნ აშშ დოლარით შემცირდა. კომპანიათაშორის სესხებში ოპერაციული ცვლილების შედეგად ზრდამ 58.3 მლნ აშშ დოლარი, ხოლო საკურსო ცვლილებებით გამოწვეულმა კლებამ 20.0 მლნ აშშ დოლარი შეადგინა. საანგარიშო კვარტლის განმავლობაში, კომპანიათაშორისი სესხები სხვა ცვლილებების გამო 1.6 მლნ აშშ დოლარით შემცირდა.
მთლიანი საგარეო ვალის ზრდამ 2010 წლის მეორე კვარტალში ოპერაციული ცვლილებებით 80.1 მლნ აშშ დოლარი, ხოლო სხვა ცვლილებებით 19.3 მლნ აშშ დოლარი შეადგინა. ამავე დროს იგი საკურსო ცვლილებების შედეგად 152.9 მლნ აშშ დოლარით შემცირდა.