მნიშვნელოვანია, კონკრეტულად ნაციონალური მოძრაობის მხრიდან დაიდოს გარანტიები, რომ თოფიანი ხალხი - პროკურატურა, სუსი, შინაგან საქმეთა სამინისტრო არ იქნება მათი კონტროლის ქვეშ, - განაცხადა "გირჩის" ლიდერმა, ზურაბ ჯაფარიძემ ლეიბორისტული პარტიის ოფისთან, სადაც ოპოზიციური პარტიები სამოქმედო გეგმაზე მსჯელობენ.
მისი თქმით, ენმ-ს მხრიდან ამის გაკეთება ძალიან მნიშველოვანია.
"მთავარი, რაც აფრთხობს ჯერ კიდევ ადამიანებს, არის სწორედ ის, რომ ხელისუფლების ცვლილების შემდეგ ნაციონალური მოძრაობის ხელში ისევ შეიძლება აღმოჩნდეს თოფიანი ადამიანები და ამ ადამიანების ეშინიათ. შესაბამისად, არის საჭირო გარანტიები იმისათვის, რომ ეს ასე არ მოხდეს და ეს არის გასაკეთებელი რაც შეიძლება სწრაფად", - თქვა ჯაფარიძემ.
