დღეს, 23 ნოემბერს, პარლამენტის შენობის წინ, კარავში თავისუფლების ინსტიტუტის პრეზენტაცია გაიმართა.
ორგანიზაციის დირექტორი სალომე ხვადაგიანია, გამგეობის წევრები კი ბექა მინდიაშვილი, გიორგი ბედინეიშვილი, გიორგი მელაძე, ვახტანგ ლეჟავა, თამარ ჩერგოლეიშვილი, კონსტანტინე ვარძელაშვილი, ლევან რამიშვილი, ნატალია ანთელავა, ნინო გოგიბერიძე და ქეთევან მსხილაძე არიან.
სალომე ხვადაგიანის განცხადებით, ორგანიზაციის დაბრუნებისთვის მთავარი სტიმული შექმნილი პოლიტიკური კრიზისი გახდა.
"ქვეყანა დგას როგორც შიდა, ასევე საგარეო გამოწვევების წინაშე, ამიტომ "თავისუფლების ინსტიტუტი" თვლის, რომ უნდა დაბრუნდეს და შესთავაზოს გეგმა საზოგადოებას თუ როგორ გამოვიდეთ ამ მდგომარეობიდან. როდესაც ასეთი მძიმე ვითარება შეიქმნა, პოლიტიკური კრიზისი და შექმნა ეს მმართველმა პარტიამ, როდესაც მათ გადაგვაგდეს, შეგვპირდნენ პროპორციულ არჩევნებს და არ შეგვისრულეს, ანუ, ერთგვარად, მოიპარეს არჩევნები და მოატყუეს ხალხი. ასეთ დროს შეიქმნა პოლიტიკური კრიზისი და მე არ ვიცი სხვაგან სად შეიძლება იდგეს თავისუფლების ინსტიტუტის კარავი, თუ არა აქ და ახლა”, - განაცხადა სალომე ხვადაგიანმა.
