სოფლის მეურნეობის სამინისტროს მიზნობრივი პროგრამის ფარგლებში, ამერიკის შეერთებული შტატებიდან ჩამოტანილი სათესლე ხორბლის გაცემა უკვე დაწყებულია.
სამინისტროს ინფორმაციით, ფერმერებს და გლეხებს, რომლებმაც შეავსეს განაცხადი, ხორბლის წაღება გაჩიანსა და გორში მდებარე საწყობებიდან შეუძლიათ.
1 კილოგრამი სათესლე მასალის ფასია 1 ამერიკული დოლარის ექვივალენტი ლარში.
პროგრამის მიხედვით, მსურველს ხობლის წაღება, მისი საფასურის გადახდა, მოსავლის მოყვანის, აღებისა და რეალიზაციის შემდეგ შეუძლია.
სოფლის მეურნეობის სამინისტროს მტკიცებით, ამერიკული ჯაგერის ჯიშის სათესლე ხორბალი არის მაღალრეპროდუქტიული, გვალვაგამძლე და მისი სათესლე მასალად გამოყენება, კიდევ მინიმუმ 4 წლის განმავლობაში იქნება შესაძლებელი.
ხორბლის გაცემის პროცესს, გაჩიანში დღეს, სოფლის მეურნეობის მინისტრი ესწრებოდა.
"მარცვლეულის მოსავლიანობის ზრდის მიზნით, მიმდინარეობს ორი პროგრამა. აქედან, ერთის განხორციელება, რომელიც სათესლე ხორბლით ჩვენი ფერმერების უზრუნველყოფას გულისხმობს უკვე დაწყებულია. ეს არის ძალიან მნიშვნელოვანი და ჩვენ სამომავლოდ ხორბლის უკეთეს და ხარისხიან მოსავალს ველოდებით", - განაცხადა ბაკურ კვეზერელმა.
ამერიკიდან საქართველოში სულ 2000 ტონა სათესლე ხორბალი შემოვიდა.