გაერთიანებული ოპოზიციისა და დიპლომატიური კორპუსის წარმომადგენელთა შეხვედრა ამ წუთებში იწყება.
შეხვედრის დაწყების წინ, პარტია "ერთიანი საქართველო - დემოკრატიული მოძრაობის" ლიდერმა ნინო ბურჯანაძემ განაცხადა, რომ მისთვის წარმოუდგენელი იყო, თუ ბიძინა ივანიშვილი გადაწყვეტდა იმ აქციის დაშლას, სადაც 200 მეტრში დიპკორპუსისა და ოპოზიციის ლიდერების შეხვედრა უნდა გამართულიყო.
"შეკითხვით მივმართავ ბატონ ბიძინა ივანიშვილს, ვინ გაძლევთ ბატონო ბიძინა ასეთ რჩევებს? ჩვენ გავიგეთ, რომ არ გვეღირსა ხელისუფლება, რომელიც ფიქრობს ხალხზე, ქვეყანაზე, მაგრამ ადეკვატურად რომ საკუთარ თავზე იფიქროთ და წინა ხელისუფლებასავით ძირი არ გამოუთხაროთ იმ საფუძველს რომელზედაც დგეხართ არ გინდათ? ეს ხომ არის პოლიტიკური თვითმკვლელობა, რაც ახლა ხდება. ვერც კი დავუშვი, რომ აგერ 200 მეტრში დიპკორპუსთან შეხვედრას მართავს მთელი ოპოზიცია და პარალელურ რეჟიმში ხელისუფლება არბევს მიტინგს", -განმარტავს ნინო ბურჯანაძე.