ეს არის ოპოზიციის ერთჯერადი გაერთიანება ივანიშვილი, რომ ხელისუფლებიდან გავუშვათ – ამის შესახებ „სამოქალაქო მოძაობის“ ლიდერმა, ალეკო ელისაშვილმა განაცხადა.
მისივე თქმით, გუშინდელი გადაწყვეტილებით ბიძინა ივანიშვილმა მთელი მსოფლიო გადააგდო.
„ცალკე აღებული არც ერთ პარტიას არ შესწევს უნარი გადააყენოს მთავრობა. ეს არის ოპოზიციის ერთჯერადი გაერთიანება ივანიშვილი, რომ ხელისუფლებიდან გავუშვათ. ჩვენი მოთხოვნაა ვადამდელი პროპორციული არჩევნების ჩატარება. ბიძინა ივანიშვილს შეეშინდა, რომ პროპორციული სისტემით ჩაეტარებინათ არჩევნები და ამიტომ ჩააგდეს კანონპროექტი. ჩვენი, ოპოზიციის მიზანია დავანგრიოთ „ქართული ოცნება“ და ივანიშვილი. ივანიშვილი არჩევნებს ნებისმიერ შემთხევაში წააგებს. ახლა ხელისუფლების წევრები თვითგადარჩენის რეჟიმში არიან და ჩემთვის წარმოუდგენელია დილით გაიღვიძონ და უცბად გერმანულ მოდელზე გადასვლა მოიფიქრონ. თუ არ დანიშნავენ ვადამდელ არჩევნებს, მიიღებენ სახალხო მღელვარებასა და რევოლუციას. რევოლუციის შემთხევაში იქნება ძვლების მტვრევა, რაც ძალიან არ მინდა. რევოლუცია ქვეყნისთვის ძალიან ცუდი იქნება“, – განაცხადა ალეკო ელისაშვილმა.
