ფრაქცია „ქართული ოცნების“ თავმჯდომარის მამუკა მდინარაძის განცხადებით, საქართველოში რიგგარეშე არჩევნების ჩატარება არ იგეგმება.
„არანაირი რიგგარეშე არჩევნები ქვეყანაში არ ჩატარდება. ჩვენ უნდა მოვემზადოთ, ცივი გონებით, რაციონალურად გადავწყვიტოთ ყველა საკითხი. ერთი გადაწყვეტილების გამო ქვეყანა არ უნდა ავრიოთ, თუმცა მნიშვნელოვანია ეს გადაწყვეტილება.უნდა მოვემზადოთ 2020 -ის არჩევნებისთვის და გავიდეთ ღირსეულად, მივცეთ ყველა პარტიას თანაბარი შესაძლებლობა, რომ ასევე ღირსეულად მიიღონ არჩევნებში მონაწილეობა. კატეგორიულად გამოვრიცხავ რიგგარეშე არჩევნებს“ ,- განაცხადა მამუკა მდინარაძემ.
