როგორც ბილაინის გენერალურმა დირექტორმა ანდრეი პატახინმა განაცხადა, ხვალიდან აბონენტებს საშუალება ექნებათ ოფისებში 868 ინდექსი შეიძინონ და იმავდროულად სურვილის შემთხვევაში ახალი სატარიფო გეგმით "ექსკლუზივით" ისარგებლონ.

ახალი სატარიფო გეგმა "ექსკლუზივი" ბილაინის აბონენტებს საშუალებას აძლევს ერთმანეთთან ეს-ემეს-ი ემ-ემ-ეს-ი და საუბარი განახორციელონ წუთში 2 თეთრად. ხოლო ქსელის გარეთ განხორციელებული ზარების ღირებულება 17 თეთრი იქნება.

"აბობებტთა ბაზის ზრდასთან ერთად კომპანიაში გაჩნდა საჭიროება, ახალი სატარუფო ინდექსი დაგვემატებინა გარდა ამისა, ბილაინის გადაწყვეტლებით, ახალ სატელეფონო ინდექსზე 50 ოქროს ნომერი წინასაახალწლო აუქციონზე გაიყიდება და შემოსული თანხა მთლიანად ქველმოქმედებას მოხმარდება", - განაცხადა ბილაინის გენერალურმა დირექტორმა ანდრეი პიატახინმა.

როგორც კომპანიის მენეჯმენტი განმარტავს, ახალი სატარიფო გეგმა "ექსკლუზივი" შიდა ქსელზეა ორიენტირებული.

კომპანის განმარტებით, ახალი ინდექსის ამოქმედებასთან ერთად გაიზრდება აბონენტთა რაოდენობაც, რომელიც დღეის მონაცემებით თითქმის ერთ მილიონამდეა. კომპანიაში აცხადებენ, რომ კლიენტურისგან მზარდია მოთხოვნა ნომრის შეკვეთაზე ანუ იმ ნომერზე, რომელიც უშუალოდ ამა თუ იმ კლიენტს სურს და კომპანიის გაყიდვებში ასეთ ნომრებს თითქმის 40 პროცენტი უკავია.

ახალი სატაიფო გეგმის ამოქმედებასთან ერთად ბილაინის აბონენტებს საშუალება ექნებათ ძველი სატარიფო გეგმიდან ჩვულებრივად გადავიდნენ ახალ სატარიფო გეგმაზე და სატარიფო გეგმის შეცვლა აბონენტს ორი ლარ დაუჯდება. აბონენტთა რაოდენობის ზრდასთან ერთად ბილაინი სერვის ცენტრების რაოდენობის ზრდასაც გეგმავს და როგორც მენეჯმენტი აცხადებს, 2011 წლის ბოლომდე ქვეყნის მასშტაბით სერვისცენტრების რაოდენობა 40-მდე იქნება.

შეგახსენებთ, რომ დღეისათვის ბილაინი ბაზარზე 879, 897, 871, 874 და 892 ინდექსითაა წარმოდგენილი.