"მინდა, მთელი პასუხისმგებლობით განვაცხადო, რომ ჩვენ წინა და ამ ხელისუფლების დროსაც პოლიტიკოსების და სტრუქტურების მხრიდან უწმინდესზე, საპატრიარქოზე და ეკლესიაზე თავდასხმის მცდელობებს ვხედავდით. ამან ყველაზე საშიში ფორმა "ქართული ოცნების" მმართველობის დროს მიიღო", - აცხადებს საზოგადოებრივი მოძრაობა "ლელოს" დამფუძნებელი მამუკა ხაზარაძე.
ხაზარაძის თქმით, საქართველო პატარა ქვეყანაა და არაფერი იმალება.
"რა მდგომარეობაში მოხდა, ამას არ აქვს მნიშვნელობა, ფაქტია, რომ ხელისუფლების წარმომადგენლების კომუნიკაცია არსებობდა პატრიარქის გადადგომასთან დაკავშირებით. ეს არის ცნობილი, ძალიან ბევრმა სასულიერო პირმა დაადასტურა. ამიტომ არ შევალ ამ დეტალებში. მე მოვითხოვე, რომ როცა ასეთი რამ ხდება ნორმალურ ქვეყანაში, პროკურატურამ გამოძიება უნდა დაიწყოს.
ქვეყანაში უნდა დასრულდეს სპეკულაციები. ყველზე რეპუტაციული ინსტიტუტის ნგრევის და დისკრედიტაციის მცდელობა ხდება "ქართული ოცნების" მხრიდან, ეს არის რეალობა", - აცხადებს ხაზარაძე.
