საქართველოს ცენტრალური საარჩევნო კომისიის წინასწარი ინფორმაციით, მარტვილის, ლაგოდეხისა და ადიგენის საკრებულოების შუალედურ არჩევნებში "ქართული ოცნების" მიერ წარდგენილი კანდიდატები იმარჯვებენ.

საკრებულოს შუალედური არჩევნები ჩატარდა:

ლაგოდეხის მუნიციპალიტეტის აფენის თემის 4 საარჩევნო უბანზე - გამარჯვება მოიპოვა "ქართული ოცნება-დემოკრატიული საქართველოს" კანდიდატმა, ომარ შველიძემ, 84.4%-ით.

"ევროპული საქართველო-მოძრაობა თავისუფლებისთვის" კანდიდატმა მალხაზ მელაშვილს  მოიპოვა 14,71%-მა (347 ხმა), ხოლო "მოძრაობა თავისუფალი საქართველოსთვის" კანდიდატმა, დავით ბეგლარაშვილმა 0,89%-მა(21 ხმა).

ადიგენის მუნიციპალიტეტის არალის თემის 1 საარჩევნო უბანზე  -  გამარჯვება მოიპოვა "ქართული ოცნება-დემოკრატიული საქართველოს" კანდიდატმა ზურაბ ფეიქრიშვილმა, 100%-ით. სხვა პარტიას კანდიდატი წარდგენი არ ჰყოლია.

მარტვილის მუნიციპალიტეტის კიწიის თემის 2 საარჩევნო უბანზე - გამარჯვება მოიპოვა "ქართული ოცნება-დემოკრატიული საქართველოს" კანდიდატმა რობერტ კაკულიამ, 100%-ით. სხვა პარტიას კანდიდატი წარდგენი არ ჰყოლია.

ცენტრალური საარჩევნო კომისიის მონაცემებით, ამომრჩეველთა აქტივობამ შეადგინა ლაგოდეხის მუნიციპალიტეტის აფენის თემში - 57.06%, ადიგენის მუნიციპალიტეტის არალის თემში - 60.5%, მარტვილის მუნიციპალიტეტის კიწიის თემში - 51.22%.