ბრაზილიაში 7-სართულიანი საცხოვრებელი კორპუსი ჩამოინგრა. შემთხვევის შედეგად, ერთი ადამიანი დაიღუპა. უბედური შემთხვევა ქალაქ ფორტალეზაში მოხდა.
არიან დაშავებულებიც, ისინი სამედიცინო დაწესებულებაში გადაიყვანეს. კორპუსის მიმდებარე ტერიტორია სამართალდამცველებს აქვთ გადაკეტილი.
მიმდებარე შენობებიდან ხალხის ევაკუაცია განხორციელდა. რაიონში შეფერხებულია ელექტროენერგიისა და გაზის მიწოდება.
საცხოვრებელი სახლის ჩამონგრევის მიზეზი ამ დრომდე უცნობია.
სოციალურ ქსელებში მომხდარის ამსახველი ვიდეოები ვრცელდება.
