იტალიაში, კუნძულ სიცილიის აღმოსავლეთით, ვულკანმა ეტნამ გაიღვიძა. ინფორმაციას ავრცელებს იტალიის გეოფიზიკისა და ვულკანოლოგიის ეროვნული ინსტიტუტი.
ინსტიტუტის ინფორმაციით, ვულკანის ფერდობებზე დამონტაჟებულმა კამერებმა მცირე ამოფრქვევები ადგილობრივი დროით, დაახლოებით დილის 06:30 საათზე დააფიქსირეს. შეინიშნება ასევე ძლიერი კვამლი.
ვულკანოლოგები განსაკუთრებული საფრთხის შესახებ არ საუბრობენ.
კატანიის საერთაშორისო აეროპორტის განკარგულებით, საათში მხოლოდ ოთხი ფრენის მიღება მოხდება. გაფრენის გრაფიკები კი არ შეიცვლება და შეუზღუდავად განხორციელდება.
ეტნა ევროპაში ყველაზე აქტიური ვულკანია.
2013 წელს ეტნა იუნესკოს მსოფლიო მემკვიდრეობის ნუსხაში შევიდა.