საქართველოს პრეზიდენტმა სალომე ზურაბიშვილმა ნატოს კიბერუსაფრთხოების საკითხებში დახმარება სთხოვა.
პრეზიდენტის განცხადებით, დღევანდელ მსოფლიოში ძალიან მნიშვნელოვანია კიბერუსაფრთხოება და "ჩვენ ამ კუთხითაც გვჭირდება დახმარება".
აღნიშნული განცხადება სალომე ზურაბიშვილმა დღეს, ბათუმში ნატოს გენერალური მდივნის მოადგილესთან ერთად გამართულ პრესკონფერენციაზე გააკეთა.
"ამ კუთხით თანამშრომლობა უკვე დაწყებულია რამდენიმე ქვეყანასთან, მაგრამ ნატოს დახმარებაც გვჭირდება, იმისათვის, რომ საქართველო გაუმკლავდეს კიბერუსაფრთხოების საკითხებთან დაკავშირებულ გამოწვევას, რომელიც ყველა ჩვენი პარტნიორისთვისაც უდიდესი გამოწვევას წარმოადგენს.
ვისაუბრეთ ასევე ქვეყანაში განხორციელებულ დემოკრატიულ და ეკონომიკურ რეფორმებზე.
ყურადღება გავამახვილე იმაზე, რომ საქართველო, რომელმაც მეორე კომპაქტი დაასრულა, დღეს "მილენიუმ ჩელენჯის" კორპორაციამ ერთ-ერთ საუკეთესო პარტნიორად აღიარა", - აღნიშნა საქართველოს პრეზიდენტმა