საქართველოს პარლამენტმა ყოფილი დეპუტატი, „ქართული ოცნებიდან“ სოციალურ ქსელში 10-გვერდიან წერილს აქვეყნებს სათაურით #სიმართლე. წერილს წამძღვარებული აქვს ციტატა - „მართლის თქმა ერთგულებაა“(ილია ჭავჭავაძე)
ქუცნაშვილი წერილში აღნიშნავს, რომ რადგან უკვე პარლამენტმა დეპუტატის მანდატი გაუუქმა, დადგა დრო დუმილი დაარღვიოს. აქამდე კი იმიტომ სდუმდა, რომ არავის ეფიქრა პარლამენტარის სკამის შენარჩუნებისთვის “ირჯებოდა“.
ყოფილი დეპუტატი 20 ივნისის მოვლენებში ოპოზიციასა და ტელეკომპანია „რუსთავი 2-„ს ადანაშაულებს და კითხვის ნიშნის ქვეშ აყენებს იმ ფაქტს, რომ ადამიანების აღელვება რუსი დეპუტატის გავრილოვის პარლამენტის თავმჯდომარის სავარძელში ჩაჯდომამ გამოიწვია.
„თუ პატრიოტი ადამიანების გულწრფელი აღელვების მიზეზად მიგვაჩნია ასამბლეის პრეზიდენტის რანგში ეროვნებით რუსი დეპუტატის მიერ (რომლის დედა ქართველია) პარლამენტის სპიკერატში ადგილის დაკავება და რუსულ ენაზე სესიის გახსნა, მაშინ ისიც უნდა ვაღიაროთ, რომ აღელვების მიზეზი დილის 12.00 საათზე ამოიწურა, როდესაც არათუ რუსმა დეპუტატმა, არამედ მთელმა ასამბლეამ 23-ივე ქვეყნის დეპუტაციამ დატოვა საქართველოს პარლამენტის შენობა და გადაინაცვლა სასტუმროში“, - წერს ქუცნაშვილი ა აღნიშნავს, რომ მას არ წარმოედგინა ნებისმიერ საქმეში ბევრი იყონ და პასუხი მხოლოდ ერთმა აგოს.
„საქართველოში დაბრუნებული პარლამენტის თავმჯდომარის მზაობას გადადგომის თაობაზე ვერ დავტოვებდი ადამიანური სოლიდარობის გარეშე. საპარლამენტო თანამდებობა არ მეკავა, ამიტომ ვერ გადავდგებოდი. ჩემს ამომრჩეველს ბოდიში მოვუხადე და მანდატი დავთმე - ის რაც ხალხმა დროებით მომცა... სიმართლის დათმობას არ ვაპირებ!”, - წერს ქუცნაშვილი.