რაც შეეხება პრეზიდენტის ინტერვიუს, არ მეგონა, რომ ამის გადათარგმნა მომიწევდა, ან ამაზე ლაპარაკი, მაგრამ თეზისობრივად რომ გავყოთ, ძალიან მარტივად ვიტყვი, - განაცხადა ერთიანი ნაციონალური მოძრაობის წევრმა, გრიგოლ ვაშაძემ ტელეკომპანია პირველლის ეთერში საქართველოს ყოფილი პრეზიდენტის მიხეილ სააკაშვილის „მთავარი არხისთვის“ მიცემულ ინტერვიუსთან დაკავშირებით.
„პირველი - საქართველოში დავბრუნდები, თუ დაიწყო ჩვენი სამხედროების დაპატიმრება, რაც სასიკვდილო საფრთხეს შეუქმნის ჩვენს სახელმწიფოს. პრეზიდენტმა არ თქვა, რომ დადასტურებულია ინფორმაციაო, მაგრამ თქვა რომ სანდო წყაროებიდან მაქვსო. მეორე - როდესაც ასჯერ შეგეკითხებიან იმას და მით უმეტეს ადამიანებზე, რომლებიც 2 წელია თავზე ლაფს გასხამენ და უშველი სიტყვებით მოგიხსენიებენ, ერთი გვარი ახსენა, მე არ ვაპირებ ახლა პერსონალიებზე ლაპარაკს და თქვა, რომ ჩვენში განსხვავება ის არისო, რომ ერთიანი ნაციონალური მოძრაობა არის ქრისტიან დემოკრატიული სახალხო პარტია, რომ მას არ უნდა კოლბაში გამოყვანილი ქართველი, ძალიან მოსწონს დღევანდელი ქართველი და უნდა, რომ ამ ქართველს ჰქონდეს ღირსეული ცხოვრების უფლებები. და მესამე - საერთოდ მოვეშვათ თბილისის ქვიშის ორმოში თამაშებს, იმიტომ, რომ ჩვენი სახელმწიფო და არის გაუსაძლის პირობებში. ეს იყო ის ინტერვიუ. სიმართლე გითხრათ მეტ დროს ამაზე ნუ დავხარჯავთ“, - თქვა ვაშაძემ