მომავალი წლიდან სამართალდამცავების, ჯარისკაცებისა და ექიმების ხელფასები გაიზრდება, - ამის შესახებ საქართველოს პრემიერ-მინისტრმა, გიორგი გახარიამ მთავრობის დღევანდელ რიგგარეშე სხდომაზე განაცხადა.
მისი თქმით, გაგრძელდება ხელფასების მატება სამართალდამცავების, ჯარისკაცებისა და მათთან გათანაბრებული პირებისთვის.
„სახელმწიფო, თავისი ვალდებულებების ფარგლებში, ამ ჯგუფს ხელფასს გაუზრდის მინიმუმ 125 ლარით. 2020 წლის პირველი ივლისიდან ასევე გაიზრდება სოფლის ექიმების ხელფასებიც 100 ლარით“, - თქვა გახარიამ და აღნიშნა, რომ ეს არის მინიმუმი, თუმცა ეს ის აუცილებელი მინიმუმია, რომლითაც მთავრობა უნდა დაეხმაროს თავის მოქალაქეებს.
