2020 წელს საგარეო საქმეთა სამინისტრო გენერალურ საკონსულოების გახსნას გერმანიასა და იტალიაში გეგმავს. აღნიშნულის შესახებ ინფორმაცია მთავრობის რიგგარეშე სხდომაზე საგარეო საქმეთა მინისტრმა დავით ზალკალიანმა გააჟღერა.
"როგორც წელს, ასევე მომავალ წელსაც ვგეგმავთ ჩვენი საგარეო პოლიტიკის დივერსიფიკაციის კუთხით წარმომადგენლობების არეალის გაზრდას. რამდენიმე ახალი მისიის გახსნა იგეგმება, რაც პირველ რიგში მიმართული იქნება როგორც არაღიარების პოლიტიკის, ასევე ჩვენი თანამემამულეების უფლებების დაცვის კუთხით. გენერალური საკონსულოების გახსნა გვსურს იტალიაში, ბარიში, გერმანიაში მიუნხნეში.
გამომდინარე იქედან, რომ ჩვენი მოქალაქეების დიდი ნაკადი არის ამ მიმართულებით. ჩვენი მოქალაქეების მზარდი რაოდენობა იწვევს იმას, რომ მათთვის საჭიროა მომსახურების გაწევა. ასევე აფრიკის კონტინენტზე მხოლოდ ერთი საელჩოა და არის განზრახვა რომ ამ მიმართულებით, არაღიარების კუთხითაც იყოს გადაფარვის ხაზი", - განაცხადა მინისტრმა.
