"რესპუბლიკური პარტიის" ერთ-ერთმა ლიდერმა, ლევან ბერძენიშვილმა "მთავარ არხზე" ოპოზიციის გაერთიანების აუცილებლობაზე ისაუბრა და აღნიშნა, რომ საუბარი, იმაზე, რომ "ერთმანეთი არ გვინდა, ნიშნავს რომ ბიძინა გვინდა".
მისი თქმით, "ყველა ბიძინას წინააღმდეგ", შეიძლება იყოს მეტაფორა, რაც იმას არ ნიშნავს, რომ ყველა ერთ პარტიაში იყოს. „
"ეს იმას ნიშნას, რომ ჩვენ ერთმანეთის ინტერესებს გავაძლიერებთ", -თქვა ბერძენიშვილმა.
"უპირველეს ყოვლისა, უნდა გავერკვეთ და დავინახოთ კარგად, რა ტიპის არჩევნებზე გავდივართ - გვაქვს პროპორციული არჩევნები თუ არ გვაქვს. იმიტომ რომ ეს ჯერ კიდე არის გადასაწყვეტი", - თქვა ბერძენიშვილმა და აღნიშნა, რომ აუცილებელია პარტიების გაერთიანება ერთის წინააღმდეგ.
"ლაპარაკი იმაზე, რომ ჩვენ ერთმანეთი არ გვინდა, ნიშნავს იმას, რომ ჩვენ ბიძინა გვინდა. ვინც უნდა თქვას - გინდა გიგა ბოკერიამ თქვას, გინდა მისმა მეუღლემ, გინდა სხვა ვინმემ თქვას. ეს აზრი მათ უნდა გამოიცვალონ. უბრალოდ, თუ გინდა ივანიშვილის დამარცხება ლაპარაკი იმაზე, რომ ნაციონალური მოძრაობის გარეშე ამის გაკეთება შესაძლებელია, გულუბრყვილობაა. ამ შემთხვევაში ვლაპარაკობ როგორც კაცი, რომელსაც უნდა ბიძინა ივანიშვილის ჩამოშორება და არა როგორც პარტიის წარმომადგენელი. ამას ვუყურებ, როგორც ტექნოლოგიურ პროცესს - კეთდება თუ არა ეს, მთავარი ოპოზიციური ძალის გარეშე. და, რა აზრი აქვს, რომც გაკეთდეს? დავუშვათ პატარა პარტიებმა მოვიფიქრე და გავაკეთეთ. ეს რას ჰგავს იცით? ნაპოლეონის წინააღმდეგ დიდი ბრიტანეთის გარეშე ებრძოლათ. არ შეიძლება ეს არის არასწორი. სერიოზული შეცდომაა", - თქვა ბერძენიშვილმა.
