ფინანსთა მინისტრი კონტროლის პალატის დასკვნაზე პასუხისმგებლობას იხსნის. კახა ბაინდურაშვილი აცხადებს, რომ ტენდერი მის მინისტრად დანიშვმანდე ჩატარდა და რომ "მას ამაზე პასუხი არ გააჩნია".
მინისტრის, სამინისტრომ კონტროლის პალატის დასკვნა მიიღო და ამ დასკვნას შიდა კონტროლის სამსახურები უკვე სწავლობენ.
"დასკვნა მივიღეთ და მას შიდა კონტროლის ორგანოები სწავლობენ. ჩვენი ორგანოები კონტროლის პალატის დასკვნას გაეცნობიან და შესაბამის დასკვნასაც ამის შემდეგ გავაკეთებთ"- განაცხადა კახა ბაინდურაშვილმა. თუმცა ბრალდებაზე, რომელიც ბროშურების ხარისხს შეეხებოდა მინისტრმა განაცხადა, რომ "ტენდერი ჩატრადა მანამდე ვიდრე მე მინისტრად დავინიშნებოდი, შესაბამიდსა ამაზე პასუხი არ გამაჩნია"- აცხადებს ბაინდურაშვილი.
შეგახსენებთ, რომ საქართველოს კონტროლის პალატამ ფინანსთა სამინისტროში 2009 წლის და 2010 წლის პიველი და მეორე კვარტლის "სახელმწიფო სექტორის ფინანსური მართვის მხარდამჭერი პროექტის" აუდიტი ჩაატარა. რის შედეგადაც დაასკვნა, რომ ბიუჯეტის პირდაპირმა ზარალმა 61 446 ლარი ხოლო 322 600 ლარი არარეკომენდირებულად და არამიზნობივად გაიხარჯა.
კონტროლის პალატის ინფორმაციით, "სახელმწიფო სექტორის ფინანსური მართვის მხარდამჭერი პროექტის" ფარგლებში ფინანსთა სამინისტრომ გამოაცხადა ტენდრი 2009 წლის 6 თებერვალს საბიუჯეტო პროცესის გამჭვირვალობის გაზრდის მიზნით საბიუჯეტო დოკუმენტაციების პოპულარული ვერსიების შესამუშავბლად. რაც გამოიხატებოდა 8 500 ერთეულით ბიუჯეტის შესახებ ინფორმაციის შემცვლელი ბროშურების ადვილი ენით დაწერას, დაბეჭდვაში და საზოგადოების ფართო მასების გავრცელებაში.
როგორც 23 სექტემბერს კონტოლის პალატაში საგანგებოდ გამართულ ბრიფინგზე კონტროლის პალატის აუდიტის დეპარტამენტის უფროსმა გიორგი ჯერანაშვილმა განაცხადა, ტენდერში მონაწილეობა ორმა კომპანიამ კონგარმა და ბი ემ სი ჯიმ მიიღო. კომპანიების შემოთავაზების თანახმად ბი ემ სი ჯის მიერ გასაწავი მომსახურეობის საფასური 117 ათასი ლარით ნაკლები იყო ვიდრე ის მომსახურეობა, რასაც შპს კონგარი გასწევდა. თუმცა საბოლოოდ ფინანსთა სამინისტრომ უპირატესობა შპს კონგარს მიანიჭა.
კონგარის მიერ შემოთავაზებული წინადადების თანახმად, პროექტი 21 თვეში უნდა განხორციელებულიყო, რისი ბიუჯეტიც 375 ათასი ლარს შეადგენდა. თუმცა, საბოლოოდ ფინანსთა სამინისტროსა და კონგარს შორის გაფორმდა 17-თვიანი ხელშეკრულება და როგორც კონტროლის პალატის აუდიტის დეპარტამენტის უფროსი გიორგი ჯერანაშვილი განმარტავს, პროექტის შემოკლებასან ერთად ფინანსთა სამინისტრომ პროექტის ბიუჯეტის შემცირება არ მოითხოვა. გიორგი ჯერანაშვილის განმარტებით, შპს კონგარის მიერ დაბეჭილი ბროშურები იმის მაგივრად რომ საზოგადოების ფართო მასებში გავრცელებულიყო, ფნანსთა სამინისტრომ დაარიგა: მერიაში, პარლამენტში და თავად ფინანსთა სამინისტროში. ჯერანაშილი განმარტავს, რომ ამ უწყებებისათვის ასეთი ბროშურების დარიგება საჭიროებას არ წარმოადგენდა, რადგან მათ ასეთ ინფორმაციაზე ხელი ისედაც მიუწვდებათ.
იმავდროულად კონტროლის პალატა ფინანსთა სამინისტროს სხვა ბრალდებებსაც უყენებს. კერძოდ ტენდერში გამარჯვებული კომპანია კოგარის მიერ დაბეჭდილი ბროშურები იყო ჩვეულებრივი სახის და ის რაიმე განსაკუთრებულ ინფორმაციას არ შეიცავდა.
ჯერანაშილის განცხადებით, ბროშურებში განთავსებული იყო ის ინფორმაცია, რაც ფინანსთა სამინისტროს შესაბამის დოკუმენტაციაშიც დევს. შესაბამისად კონტროლის პალატა მიიჩნევს, რომ ასეთი ბროშურების შედგენა თავად ფინანსთა სამინისტროს უნდა განეხორციელებინა, ხოლო მისი პოლიგრაფიული დაბეჭდვისთვის შეეძლო ტენდერი გამოეცხადებინა. შესაბამისად აუდიტის შედეგად დადგინდა, რომ ფინანსთა სამინისტროსა და ტენდერში გამარჯვებულ შპს კონარს შორის გაფორმებული საკონსულტაციო მომსახურეობის ხელშეკრულების პირობების შედეგად ბიუჯეტის პირდაპირმა ზარალმა 61 446 ლარი, ხოლო 322 600 ლარი არამიზნობრივად დაიხარჯა. კონტროლის პალატის აუდიტის დეპარტამენტის უფროსი გიორგი ჯერანაშილი განმარტავს, რომ ფინანსთა სამინისტროში ტენდერი შესაბამისმა კომისიამ ჩაატარა, თუმცა ამ კომისიას კურირებდა ფინანსთა მინისტრის პრველი მოადგილე პაპუნა პეტრიაშვილი და შესაბამისად გარკვეული პასუხისმგებლობა მასაც ეკისრება.