100 მლნ. დოლარიანი კრედიტის ვადა 15 წელს შეადგენს, ხოლო საშეღავათო პერიოდი სამი წელია. კრედიტის წლიური განაკვეთი აზიის განვითარების ბანკის Libor-ის მიხედვით განისაზღვრება.

ბანკის ინფორმაციით, საქართველო სესხს ტრანშების სახით, სამ ნაწილად მიიღებს, რაც ქვეყანას სოციალური საჭიროებების ხარჯებისა და სოციალური რეფორმების გატარებაში დაეხმარება.

აღნიშნული სესხი 2008 წლის აგვსიტოს კონფლიქტის შემდგომ გამოყოფილ 70 მლნ დოლარსა და 2009 წელს გლობალური კრიზისის ზეგავლენის შერბილების მიზნით გამოყოფილ 80 მლნ დოლარს დაემატება.

აღსანიშნავია, რომ წლის დასაწყისში ფინანსთა მინისტრმა კახა ბაინდურაშვილმა განაცხადა, რომ მსოფლიო ბანკის საქართველოში 2010 - 2011 წლებში ერთი მილიარდი აშშ დოლარის ინვესტირებას გეგმავს. ძირითადად, ეს არის სახელმწიფო კრედიტები, რომლებიც ინფრასტრუქტურის განვითარებაზე დაიხარჯება. მაგალითად, გზების რეაბილიტაციისთვის აზიის განვითარების ბანკმა საქართველოს 500 მილიონი აშშ დოლარი გამოუყო. ასევე, აზიის განვითარების ბანკის ინვესტიცია დაიხარჯება წყალმომარაგების სისტემების რეაბილიტაციისა და თბილისის სატრანსპორტო სისტემის მოწესრიგებისათვის.