საქართველოს ტერიტორიული მთლიანობა და სუვერენიტეტი უმრავლესობისთვის ფუნდამენტური ღირებული პრინციპებია. ამის შესახებ გაეროში საქართველოს სრულუფლებიანმა და მუდმივმა წარმომადგენელმა კახა ლომაიამ გაეროს გენერალური ასამბლეის დებატების დაწყების წინ განაცხადა.
"აბსოლუტური უმრავლესობისთვის საქართველოს ტერიტორიული მთლიანობა და სუვერენიტეტი ფუნდამენტური ღირებულების პრინციპებია. რამდენიმე ქვეყანამ, ვისაც ყველაზე მწვავედ აქვს აღქმული ეს პრინციპები, მოსალოდნელია, რომ თავისი პოზიცია გამოთქვას", - განაცხადა ლომაიამ.
შეგახსენებთ, რომ საქართველოს პრეზიდენტი მიხეილ სააკაშვილი დღეს, თბილისის დროით 00:00 საათზე გაეროს გენერალური ასამბლეის დებატებს გახსნის.
