რუსეთმა ხორბალზე წლის ბოლომდე, შესაძლოა, ემბარგო მოხსნას, ამის შესახებ რუსეთის პრეზიდენტმა დიმიტრი მედვედევმა აგროსამრეწველო კომპლექსის ფინანსური მდგრადობის შესახებ სხდომაზე გამოსვლისას განაცხადა.
პრეზიდენტის თქმით, ემბარგო მას შემდეგ მოიხსნება, რაც ცნობილი გახდება თუ რა რაოდენობის ხორბლის მფლობელია ქვეყანა.
ასეთი ტიპის განცხადება პრეზიდენტისაგან კი თავად სოფლის მეურნეობის ბაზრის მოთამაშეებისათვის მოულოდნელი აღმოჩნდა, რამაც ბაზარზე გარკვეული დაძაბულობებიც კი მოსხნა.
ტრეიდერების განმარტებით, კი ისინი შეეგუენ იმ აზრს, რომ ემბარგო დიდი ხნის განმავლობაში არ მოიხსნებოდა და რომ ზარალი არ მიეღოთ ხორბლის გაყიდვა შიდა ბაზარზე დაიწყეს.
მედვედევის დანცხადების შემდეგ კი ტრეიდერები შიდა ბაზარზე რეალიზაციას შეამცირებენ, რათა პროდუქცია ექსპორტზეც გაყიდიონ.
შეგახსენებთ, რომ 2 სექტემბერს რუსეთის პრემიერ-მინისტრმა ვლადიმერ პუტინმა განაცხადა, რომ რუსეთი ხორბალზე ემბარგოს მას შემდეგ მოხსნის რაც ხორბლის მოსავალი დაბინავებული იქნება და ემბარგოს მოხსნის სავარაუდო დროდ 2011 წლის შემოდგომა დაასახელა.
ექსპერტების შეფასებით კი დიმიტრი მედვედევის განცხადების შემდეგ, შესაძლოა, პურის ფასის ზრდა გამოიწვიოს. აღსანიშნავია, რომ ოფიციალური რუსეთი აღიარებს, რომ დღეს რუსეთოს ხორბლის 10 %ით მეტი მარაგები აქვს ვიდრე ეს გასულ წელს ქონდა.