საქართველოს მოსახლეობას საშუალება ექნება კომპიუტერი დღეში ერთ ლარად შეიძინოს. როგორც მთავრობის სხდომაზე საქართველოს პრემიერ მინისტრმა ნიკა გილაურმა განაცხაა, განათლების სამინისტრო და კომპანია ინტელი ერთობლივი პროქტის განხორციელებას იწყებენ.
"სულ ეხლახანს განათლების სამინისტრომ კომპანია ინტელთან დაასრულა მოლაპარაკებები და ხელშეკრულებას ხელი რამდენიმე კვირაში მოეწერება. კომპანიასთან მიღწეული შეთანხმების მიხდევით საქართველოს მოსახლეობას საშუალება აქვს ინტელის კომპიუტერები 2 წლიანი განვადებით დღეში 1 ლარად შეიძინოს" - განაცხადა ნიკა გილაურმა.
აღნიშნული პროექტის განხორციელება 1 ნოემბრიდან დაიწყება. განათლების მინისტრის დიმიტრი შაშკინის განცხადებით 22 ოქტომბერს საქართველოში ჩამოვა ინტელის ვიცე პრეზიდენტი და საქართველოში გაფორმდება ხლშეკრულება, რომელშიც ჩაერთვებიან ქართული კომერციული ბანკები და ნებისმიერ მსურველს საშუალება ექნება განვადებით შეიძინოს კომპიუტერი და დღეში 1 ლარი გადაიხადოს.
როგორც ნიკა გილაურმა განცახადა, იმ ადამიანებს, ვისაც სურთ, რომ უფრო ძვირადღირებული კომპიუტერები ან ლეპტოპები შეიძინონ მაშინ დღეში 3 ლარის გადახდა იქნება საჭიირო.
"ეს არ არის პირველადი პროექტი და ის რამდენიმე კომპანიამ ახლო აღმოსავლეთის ქვეყნებში წარმატებით განახორციელა და ამ პროექტის განხორციელება იწყება საქართველოშიც" - განაცხადა ნიკა გილაურმა.
