"ბათუმელების" ინფორმაციით, ამ წუთებში ბიძინა ივანიშვილის ხე ბარჟაზე გადააქვთ და შეკვეთილში წასაღებად ამზადებენ. ხის გადატანის გამო ბათუმში თამარ მეფის გამზირზე შეზღუდული იყო მოძრაობა, უკვე აღდგენილია სარკინიგზო ხაზებიც.
დილის ხუთი საათიდან ექვს საათამდე თამარ მეფის გამზირზე, ბათუმის შემოსასვლელთან საავტომობილო მოძრაობა პერიოდულად შეზღუდული იყო. რკინიგზის გადაკვეთის შემდეგ, ხე ნახევარი საათით გაიჭედა, მის გასატარებლად კი ელექტროენერგიის ბოძის მოთხრა გახდა საჭირო. დილის შვიდი საათისთვის ხემ ბათუმი დატოვა.
