სახელმწიფოს უმაღლესი ლეგიტიმური მიზანია უზრუნველყოს ხარისხიანი განათლებისხელმისაწვდომობა ყველასთვის, მისცეს ცოდნის დაუფლების თანაბარი შესაძლებლობა ყველა ნიჭიერადამიანს, სადაც არ უნდა ცხოვრობდეს და როგორი შეძლების ოჯახშიც არ უნდა იყოს იგიდაბადებული და გაზრდილი, - ამის შესახებ საქართველოს პრემიერ-მინისტრმა მამუკა ბახტაძემ ახალი მასშტაბური ინიციატივის - "განათლება - გზა თავისუფლებისკენ" პრეზენტაციისას განაცხადა.
მთავრობის მეთაურის შეფასებით, განათლებაში ბიუჯეტის მეოთხედის ინვესტირებით იქნება ყველაზე განათლებული ქვეყანა და ქართველი ერი იქნება ყველაზე განათლებული ერი მსოფლიოში!
„დღევანდელ ქაოსურ და არეულ დროებაში, ტურბულენტურ, სწრაფად ცვალებად და, ხშირად,არასამართლიან სამყაროში წარმოუდგენელია გზის გაკვლევა ისეთი მძლავრი იარაღის გარეშე,როგორიც ევროპული სტანდარტის შესაბამისი ცოდნაა. დღეს ჩვენ უკვე ვლაპარაკობთ, რომსაქართველო გაიცნო მსოფლიომ, როგორც უნიკალური კულტურის ქვეყანა; გპირდებით, რომ ძალიანმალე ჩვენ ხელახლა აღმოგვაჩენენ, როგორც ყველაზე განათლებული და თავისუფალი ადამიანებისქვეყანას. განათლებაში ბიუჯეტის მეოთხედის ინვესტირებით ჩვენ მივაღწევთ იმას, რომ საქართველო იქნება ყველაზე განათლებული ქვეყანა და ქართველი ერი იქნება ყველაზე განათლებული ერიმსოფლიოში! სწორედ ეს არის „ქართული ოცნების“ პოლიტიკური გუნდის ინიციატივა - განათლებისმეშვეობით სიღარიბისა და ოკუპაციის დაძლევის გეგმა. ეს არის ეროვნული იდეა, რომლისგანხორციელებას ახლა მხოლოდ ერთადერთი რამ ჭირდება - ეს არის მთელი საზოგადოებისკონსენსუსი და საქართველოს მოქალაქეების საყოველთაო ეროვნული შეთანხმება“,- განაცხადა მამუკა ბახტაძემ.
