15 ოქტომბრიდან ძუძუსა და საშვილოსნოს ყელის კიბოს სკრინინგის პროგრამა საქართველოს რეგიონებში _ კახეთში, აჭარასა და იმერეთშიც ამოქმედდა. ამის შესახებ ინფორმაციას კახეთის საინფორმაციო ცენტრი ავრცელებს.
სამედიცინო ცენტრი "კახეთი - იონის~ დირექტორ ხათუნა ჭონიშვილის განცხადებით, 25 დღის განმავლობაში უფასო გამოკვლევა 500-მდე ადამიანმა გაიარა. აქედან 10 ავთვისებიანი სიმსივნის შემთხვევა უკვე გამოვლინდა.
პროგრამას სახელმწიფოს დაფინანსებით ეროვნული სკრინინგცენტრი ახორციელებს. ძუძუსა და საშვილოსნოს ყელის კიბოს სკრინინგის პროგრამა საქართველოს პირველი ლედის პატრონაჟით ხორციელდება.
ფრანგულ-ქართულ სამედიცინო ცენტრში "კახეთი - იონი~, რომელიც უახლესი სამედიცინო აპარატურით არის აღჭურვილი, უფასო გამოკვლევების ჩატარება კახეთის რეგიონში რეგისტრირებულ 40-დან 70 წლამდე ქალებს შეუძლიათ.
