ქართველების ლეგალური დასაქმება გერმანიაში იყო ჩემი თხოვნა ქალბატონ მერკელთან და გერმანიის კანცლერმა დანაპირები შეასრულა, - განაცხადა „ევროპული სქართველოს“ ლიდერმა, დავით ბაქრაძემ გერმანიაში საქართველოს მოქალაქების დასაქმებასთან დაკავშირებით.
მისი თქმით, ეს არის ძალიან დიდი წინ გადადგმული ნაბიჯი გერმანიაში მყოფი ქართული დიასპორის ემიგრანტების დასახმარებლად, მათი პირობების გასაუმჯობესებლად.
„ეს არის დაპირების შესრულება,რომელიც გერმანიის კანცლერმა ქალბატომა მერკელმა გასცა,როდესაც ის ზაფხულში იყო თბილისში. ჩემი თხოვნა იყო, სწორედ ის რომ განეხილა ქართველების ლეგალურად დასაქმების პერსპექტივა გერმანიაში. მერკელი დამპირდა ჯერ მე და მერე მთელ საზოგადოებასამ საკითხის გადაწყვეტას, ვხედავთ რომ ამ მიმართულებით უკვე გადაიდგა კონკრეტული ნაბიჯი.
ახლა აუცილებელია ეს ნაბიჯი მივიყვანოთ ბოლომდე და მინდა მოვუწოდო საგარეო საქმეთა სამინისტროს , საპარლამენტო უმრავლესობას , ჩვენ მზად ვართ მათთან ერთად ,ყველა ჩვენი კონტაქტი გამოვიყენოთ გერმანიის პარლამენტში, ბუნდესტაგში, იმისთვის რომ ამ კანონს არ შეექმნას პრობლემა. კანონი იქნეს მიღებული და უკვე მომავალ წლიდან გერმანიაში მყოფ ძალიან ბევრ ჩვენსს თანამემამულეს , ძალიან ბევრ ემიგრანტს,რომელიც იძულებულია დროებით იქ მუშაობით ირჩინოს თავი , ქონდეს ლეგალური დასაქმების და აქედან გამომდინარე მეტი შემოსავლის, მეტი დაცულობის პირობა“, - განაცხადა დავით ბაქრაძემ.
