"ოსკარის" დაჯილდოების 82-ე ცერემონიალს, რომელიც 2010 წლის მარტში გაიმართება, მსახიობები ალეკ ბოლდუინი და სრივ მარტინი გაუძღვებიან. ტელეტრანლიაციის პროდიუსერების ბილ მეკენიკისა და ადამ შენკმანის განცხადებით, მარტინი და ბოლდუინი "ოსკარის წასაყვანად იდეალურ წყვილს წარმოადენენ.
"ისინი ერთმანეთს დიდ პატივს სცემენ და შოუში სიახლესა და მხიარულებას შეიტანენ", - აცხადებენ პროდიუსერები.
რამდენიმე წამყვანის გამოჩენა ცერემონიაზე პირველი შემთხვევა არ იქნება. 1929 წელს ოსკარის დაჯოლდოების პირველი შოუ კინოაკადემიის პრეზიდენტს და ვიცე-პრეზიდენტს მიჰყავდათ, ხოლო 1987 წელს მას ერთდროულად სამი წამყვანი ჰყავდა.
სტივ მარტინს შოუ 2001 და 2003 წლებში მიჰყავდა. ალეკ ბოლდუინმა კი ნომინანტები 2004 წელს წარადგინა, თუმცა ცერემონიალის წამყვანი არასოდეს ყოფილა.
გავრცელებლი ინფორმაციით, მსახიობები შეთავაზებით კმაყოფილნი დარჩნენ.
გასულ წელს ცერემონიალი ავსტრალიელ მსახიობს ჰიუ ჯეკმანს მიჰყავდა, რომელმაც იმავე ამპლუაზე 2010 წლისთვის უარი განაცხადა. ამის მიუხედავად, ორგანიზატორები მიიჩნევვენ, რომ 2010 წლის ცერემონიალი ერთ-ერთი საუკეთესოთაგანი იქნება.
