„მე, ტონია“-სა და „მარია, შოტლანდიის დედოფლის“ ვარსკვლავი მარგო რობი ლეგენდარულ თოჯინას „ბარბის“ კინოეკრანებზე გააცოცხლებს.

„ჩემთვის უდიდესი პატივია, ვითამაშო ეს როლი და დარწმუნებული ვარ, შევძლებ ბავშვებზე შთამბეჭდავი და დადებითი გავლენა მოვახდინო“, - განაცხადა აღნიშნულთან დაკავშირებით ავსტრალიელმა კინომსახიობმა.

ფილმს მარგო რობის მონაწილეობით, კინოფილმებისა და ტელეგადაცემის მწარმოებელი გიგნატური ამერიკული კომპანია Warner Bros.-ი გადაიღებს.

„მარგო არის იდეალური მსახიობი იმისთვის, რომ მან კინოეკრანებზე ბარბი გააცოცხლოს“, - განაცხადა ტობი ემერიხმა,  Warner Bros.-ის წარმომადგენელმა.

მოდური თოჯინა ბარბი, რომლის მწარმოებელი ამერიკული კომპანია Mattel, Inc.-ია, პირველად 1959 წელს გამოვიდა. თოჯინის შექმნის იდეა ეკუთვნის ამერიკელ რუთ ჰენდლერს.

იდეა პატარა გოგონებისათვის "დიდი გოგონას" თოჯინის შექმნის შესახებ რუთს მოუვიდა მაშინ, როდესაც მან დაინახა, რომ მისი გოგონას – ბარბარას და მის მეგობრებს შორის "ბავშვი თოჯინებზე" უფრო მეტი პოპულარობით სარგებლობდნენ სწორედ "დიდი გოგონას" თოჯინები.

1961 წლისთვის ბარბი უკვე იყო ყველა დროის ყველაზე ცნობილი თოჯინა–მოდელი მსოფლიოში.