2018 წელს საქართველომ რეკორდული რაოდენობის ტურისტები მიიღო. საქართველოს პრემიერ-მინისტრის თქმით, უკვე გამოკვეთილია ახალი მიმართულებები, სადაც დამატებითი ინვესტიციების ჩადებაა საჭირო.
„მინდა ხაზი გავუსვა ტურისტების რეკორდულ რაოდენობას, რომელიც საქართველოს 2018 წელს ეწვია. ეს იმას ნიშნავს, რომ საქართველოს უსაფრთხო და სანდო ქვეყნის იმიჯი აქვს. ეკონომიკისა და მდგრადი განვითარების სამინისტრო მუშაობს ტურიზმის განვითარების ახალ სტრატეგიაზე, რადგანაც გამოიკვეთა ის მნიშვნელოვანი მიმართულებები სადაც ჩვენ დამატებითი ინვესტიციები გვჭირდება და დაკორექტირებული მიდგომები“, განაცხადა მამუკა ბახტაძემ.
