ქალთა მკვლელობების მაჩვენებელი კრიტიკულად შემცირდა, - ამის შესახებ შს მინისტრმა გიორგი გახარიამ პარლამენტში განაცხადა.
მისი თქმით, 2018 წლის განმავლობაში არ დაფიქსირებულა არც ერთი შემთხვევა, როდესაც ქალთა მიმართ ძალადობის შემთხვევებში შინაგან საქმეთა სამინისტროს თანამშრომლებისგან რეაგირება არ ყოფილა.
„მინდა, ხაზგასმით აღვნიშნო ადამიანის უფლებათა დაცვის დეპარტამენტის შესახებ, რომელიც შინაგნა საქმეთა სამინისტროში შეიქმნა. დღეის მდგომარეობით, ჩვენ გარკვეული მიღწევები უკვე გვაქვს, რომელიც ძირითადად, ეხება ყველა სახის დისკრიმინაციის საფუძველზე ჩადენილი დანაშაულის, სენსიტიური დანაშაულების გამოვლენას. ამ მიმართულებით შემიძლია გითხრათ, რომ კრიტიკულად შემცირდა ქალთა მკვლელობების მაჩვენებელი და 2018 წლის განმავლობაში არ დაფიქსირებულა არც ერთი შემთხვევა, როდესაც ქალთა მიმართ ძალადობის შემთხვევებში შინაგან საქმეთა სამინისტროს თანამშრომლებისგან რეაგირება არ ყოფილა. მსგავს დანაშაულებში დისკრიმინაციის მოტივის გამოვლენა ორჯერ გაიზარდა, რაც კრიტიკულად მნიშვნელოვანია და ხარისხს ზრდის“, - განაცხადა გიორგი გახარიამ, რომელმაც აქვე აღნიშნა, რომ 2019 წლის განმავლობაში ამუშავდება მექანიზმები, რომლებიც პრევენციისა და რისკის გაზომვის საშუალებას იძლევა.
