საბედნიეროდ, დიმიტრი ცქიტიშვილის გადასაწყვეტი არ არის პრეზიდენტის საპარლამენტო მდივნის დანიშვნა, – ამის შესახებ პრეზიდენტის საპარლამენტო მდივანმა დიმიტრი გაბუნიამ დიმიტრი ცქიტიშვილის განცხადებასთან დაკავშირებით აღნიშნა.
როგორც გაბუნიამ ჟურნალისტებს განუცხადა, ეს ცქიტიშვილის კომპეტენციას სცილდება.
„ეს მის კომპეტენციას სცილდება და მე ვთხოვ ბატონ დიმიტრის, თავისი კომპეტენციის ფარგლებში, პარლამენტის წევრის უფლებების ფარგლებში განახორციელოს თავისი უფლებამოსილება“, – განაცხადა დიმიტრი გაბუნიამ.
ცნობისთვის, საპარლამენტო უმრავლესობის წევრმა დიმიტრი ცქიტიშვილმა გუშინ განაცხადა, რომ პრეზიდენტის საპარლამენტო მდივნად დიმიტრი გაბუნიას ის არ დანიშნავდა.
შეგახსენებთ, საქართველოს პრეზიდენტმა სალომე ზურაბიშვილმა დიმიტრი გაბუნია საპარლამენტო მდივნად დანიშნა. "ქალთა მოძრაობა" და ქალთა უფლებებზე მომუშავე NGO-ები სალომე ზურაბიშვილს მოუწოდებდნენ, საპარლამენტო მდივნად დიმიტრი გაბუნია არ დაენიშნა.
