ტირძნისიდან გატაცებული ქართველი მოზარდების გათავისუფლების საკითხში ევროსაბჭოს ადამიანის უფლებათა დაცვის უმაღლესი კომისარი თომას ჰამერბერგი ერთვება.
ამ მიზნით ის საქართველოში უახლოეს დღეებში ჩამოვა. გატაცებული მოზარდების გათავისუფლების საკითხში დახმარება ევროსაბჭოს ქართულმა მხარემ სთხოვა.
პროცესში უკვე ჩაერთო გაეროს ბავშვთა ფონდი, სადაც განმარტავენ, რომ გაეროს ბავშვთა უფლებების დაცვის კონვენციით, არასრულწლოვნების დაკავება უკიდურესი ზომა უნდა იყოს, რომლის გამოყენების შემთხვევაშიც არასრულწლოვნების უფლებები, შესაბამისად, განსაკუთრებულად უნდა იყოს დაცული.
სოფელ ტირძნისიდან 4 მოზარდი საოკუპაციო რეჟიმის წარმომადგენლებმა 4 ნოემბერს გაიტაცეს. მათ ბრალი ე.წ. საზღვრის უკანონოდ გადაკვეთისთვის წაუყენეს.
