ფინანსთა მინისტრის მოადგილედ რუსუდან კემულარია დაინიშნა. კემულარიამ მინისტრის მოადგილის პოსტზე ირაკლი სირაძე შეცვალა, რომელიც საბაჟო და საგადასახადო სფეროს კურირებდა.
კემულარიას ფინანსთა სამინისტროში მუშაობის 3 წლიანი გამოცდილება აქვს და ის სამინისტროში სხვადასხვა დეპარტამენტების ხელმძღვანელის თანამდებობებს იკავებდა.
11 აგვისტოს ფინანსთა მინისტრმა კახა ბაინდურაშვილმა რუსუდან კემულარიას პროექტ "მწვანე პორტალის" ხელმძღვანელობა ჩააბარა. "მწვანე პორტალი" საბაჟო ტრანსფორმაციის პროცესის ხელშემწყობი პროგრამა, რომლის დანერგვაც ფინანსთა სამინისტრომ ინტენსიურად დაიწყო.
რამოდენიმე დღის უკან გავრცელდა ინფორმაცია, რომ ფინანსთა მინისტრის ერთ-ერთ მოადგილედ პრეზიდენტის ადმინისტრაციის თანამშრომელი ავთო ხარაიძე დაინიშნა.