დღეს მთავრობა უბიძგებდეს საზოგადოებას დაპირისპირებისაკენ, ეს არის სრულიად წარმოუდგენელი ამბავი და შესაბამისად, ქმნის ისეთ არასტაბილურობის განცდას, რომელიც ძალიან აისახება უარყოფითად ლარის კკურსზე, - ამის შესახებ "ევროპული საქართველოს" წევრმა ზურაბ ჭიაბერაშვილმა ლარის კურსთან დაკავშირებით განაცხადა.
მან დღეს გამართულ ბრიფინგზე ლარის გაუფასურების მიზეზებზე ისაუბრა.
„ლარის კურსი არის ის ერთ-ერთი ყველაზე ფუნდამენტური პრობლემა, რაც საბოლოო ჯამში აისახება ფასების ზრდაზე და ურტყამს ჩვენი მოქალაქეების ჯიბეს, იწვევს მათ გაღარიბებას და ჩვენ ვიცით ლარის კურსის ამ მერყეობის ტრადიციული მიზეზები რაც დაკავშირებულია სწორედ ქართული ოცნების არასწორ ეკონომიკურ პოლიტიკასთან. ეს ეხება ბიუჯეტის არასათანადო ხარჯვასაც, ეს ეხება იმას, რომ არაფრით არ წევენ გადასახადებს დაბლა რაც უნდა გახდეს ჩვენი ეკონომიკური ზრდის მთავარი მამოძრავებელი ძალა, რამაც უნდა გაამყაროს ლარიც, დაასტაბილუროს ფასებიც და შესაბამისად შეაჩეროს სიღარიბის ზრდა ქვეყანაში, მაგრამ ბოლო დღეებში ამას დაემატა კიდე უფრო სერიოზული ფაქტორი, ეს არის არასტაბილურობის განცდა და არამარტო ბიზნესის მხრიდან, არამედ მთელ საზოგადოებაში, როდესაც ქართული ოცნება საპრეზიდენტო არჩევნების მეორე ტურში მოახლოებული წაგების ფონზე ცდილობს დააშინოს საზოგადოება და ის ლაპარაკობს იმაზე, რომ თავად იქნება არასტაბილურობის, არეულობის და სამოქალაქო დაპირისპირების წყარო და ფაქტორი, ჩვენ ძალიან კარგად გვახსოვს ისეთი დროც, როდესაც ამას ოპოზიცია აკეთებდა ხოლმე, ეს წლების წინ იყო, მაგრამ დღეს მთავრობა უბიძგებდეს საზოგადოებას დაპირისპირებისაკენ, ეს არის სრულიად წარმოუდგენელი ამბავი და შესაბამისად, ქმნის ისეთ არასტაბილურობის განცდას, რომელიც ძალიან აისახება უარყოფითად ლარის კკურსზე“, - განაცხადა ზურაბ ჭიაბერაშვილმა.
