ქვეყანა დგას რეალური საფრთხის წინაშე, - ამის შესახებ პარლამენტის ადამიანის უფლებათა დაცვის კომიტეტის თავმდჯომარე ეკა ბესელიამ „ქართული ოცნების“ ცენტრალურ ოფისში შესვლამდე განაცხადა, სადაც ბიძინა ივანიშვილი საპარლამენტო უმრავლესობას ხვდება.
მისი თქმით, გრიგოლ ვაშაძემ პრეზიდენტობის შემთხვევაში შეიძლება ისეთი პოლიტიკური ფიგურები შეიწყალოს, რომ ეს ქმედება დესტრუქციული გახდეს.
„ქვეყანა დგას რეალური საფრთხის წინაშე - წარსულში დაბრუნდება, თუ გააგრძელებს სვლას ხვალინდელი, უკეთესი, სტაბილური და მშვიდობიანი მომავლისკენ. შეიძლება ისეთი დესტრუქციული იყოს ამ მანდატის გამოყენება, ჰიპოტეტურად რომ წარმოვიდგინოთ, იმ პრეზიდენტის ხელში, რომელსაც შეწყალება ჰგონია, რომ რასაც უნდა იმას გააკეთებს, რომ ამან შეიძლება გამოიწვიოს ძალიან სახიფათო პროცესები“, - განაცხადა ბესელიამ.
