რატომ უნდა გითხრათ ქუჩაში ჩემი გეგმების შესახებ, - ასე უპასუხა "ქართული ოცნების" მხარდაჭერილმა საპრეზიდენტო კანდიდატმა სალომე ზურაბიშვილმა ჟურნალისტებს, რომლებმაც მას გეგმების შესახებ ჰკითხეს.
"ქართული ოცნების" ოფისთან, სალომე ზურაბიშვილს ჟურნალისტებმა არჩევნების პირველ ტურზე ჰკითხეს. ჟურნალისტები დაინტერესედნენ, მისი აზრით, რამ გამოიწვია ასეთი შედეგი, რაზაც ზურაბიშვილმა არ უპასუხა.
"დავალაგებ და გეტყვით, როცა გადავწყვეტ. ვერ გავჩერდები, ძალიან მეჩქარება", – პასუხობს ზურაბიშვილი ჟურნალისტებს.
ჟურნალისტებმა ზურაბიშვილს ჰკითხეს, აპირებს თუ არა ამომრჩეველთან შეხვედრას, რაზეც მან თქვა, რომ ამომრჩეველთან თავისი ახსნები ექნება.
ცნობისთვის, სალომე ზურაბიშვილმა "ქართული ოცნების" ოფისი უკვე დატოვა. ოფისში მმართველი გუნდის პოლიტსაბჭოს წევრებმა არჩევნების მეორე ტური განიხილეს.
