მისი გადასაწყვეტი არ არის, თუნდაც ერთი, ოთხი ან მთელი დეპუტაცია რაზე იშფოთებს, - ამის შესახებ საპარლამენტო უმრავლესობის წევრმა ლევან კობერიძემ შს მინისტრის, ნათია მეზვრიშვილის მისამართით განაცხადა.
მისი თქმით, მას აღმასრულებელი ხელისუფლების წარმომადგენლის განცხადება ძალიან უკვირს, რადგან საზედამხედველო ფუნქცია პარლამენტს აკისრია.
„ეს არის საკითხი, რომელიც საქართველოს მოსახლეობას აღელვებს. ამაზე პასუხი არჩევნებში ხმების დაკლებით მივიღეთ. ამის ერთ-ერთი მიზეზი მარიხუანის კულტივაციის საკითხი იყო. მთავრობას მოვუწოდებთ, კანონპროექტი გაიწვიოს, მით უმეტეს, წინასაარჩევნო პერიოდში ზიანის მომტანია მსგავსი სახის კანონპროექტის არსებობა პარლამენტში. გაწვევა იქნება ნაბიჯი, რითაც მოსახლეობას დავუდასტურებთ, რომ მათი გვესმის და კონკრეტულ ნაბიჯებს ვდგამთ“, – განაცხადა კობერიძემ, რომელმაც აქვე თქვა, რომ აღნიშნულ პოზიციას ბევრი დეპუტატი იზიარებს.
ცნობისთვის, ნათია მეზვრიშვილმა დღეს განაცხადა, რომ კანაფის კულტივაციის განხილვა განუსაზღვრელი ვადით გადადებულია და ამ საკითხზე შფოთვები სრულიად უადგილოა.
