ბევრჯერ მითქვამს, როგორც აგდებული ქვა არ ასცდება მიწას, ისე თქვენ არ აგცდებათ დამარცხება. ეს ბუნებრივია და ამაში არაფერი გასაკვირი არ არის. მთავარია, რომ ეს დამარცხება არ იყოს მტკივნეული ქვეყნისთვის და არ იყოს მტკივნეული საზოგადოებისთვის, თქვენთვის და ჩვენთვის ყველასთვის, - ასე მიმართა "ევროპული საქართველოს" ერთ-ერთმა ლიდერმა სერგო რატიანმა საპარლამენტო უმარვლესობას პლენარულ სხდომაზე.
მისი თქმით, მმართველი გუნდი სიღარიბის, კორუფციის, შევარდნაძის დროინდელი კორუფციის დაბრუნების, ძალადობის, სარალიძის შემთხვევაზე ჩინოვნიკების ხელის დაფარებისა და პროკურორების მფარველობის გამო დამარცხა.
„სწორედ ამიტომ გითხრათ ქართველმა ხალხმა უარი. ქართველმა ხალხმა გააცნობიერა თუ რა საშიშროების წინაშე იდგა. თქვენმა პრეზიდენტობის კანდიდატმა განაცხადა, რომ 2008 წელს საქართველომ დაიწყო ომი, ამას არ დაუშვებდა ქართველი ამომრჩეველი და ხალხი.
დემოკრატიულობის ტესტი ბარდება მაშინ, როდესაც არის კრიზისი და თქვენ გაქვთ სერიოზული კრიზისი. დემოკრატიულობის ტესტი მაშინ არ არის, როდესაც იგებთ და კარგი რეიტინგები გაქვთ. ეს ტესტი ბარდება მაშინ, როდესაც აგებთ არჩევნებს და სწორედ ამ დროს, ყველა იმ შემთხვევაში, როდესაც აგებდით და საკმაოდ სუსტად გრძნობდით თავს, მიმართავდით ძალადობას“, -განაცხადა სერგო რატიანმა.
