მე ვფიქრობ, რომ ასეთი [გედევან ფოფხაძისნაირი] პარლამენტის წევრი საერთოდ არ უნდა არსებობდეს, - ამის შესახებ გაერთიანებული ოპოზიციის შტაბის ხელმძღვანელმა გიორგი ვაშაძემ ფოფხაძის განცხადებასთან დაკავშირებით აღნიშნა.
მისი თქმით, ერთი მხრივ, კახა კალაძე ამბობს, რომ გავიგეთ ხალხმა რაც გვითხრაო, ხოლო მეორე მხრივ, დეპუტატები მწყობრად დაეწყვნენ და აბსოლუტურად არაადეკვატურ განცხადებებს აკეთებენ.
„სამარცხვინო იყო გუშინ დეპუტატების განცხადება. ერთი მხრივ, კალაძე ამბობს, რომ გავიგეთ ხალხმა რაც გვითხრაო, ხოლო მეორე მხრივ, დეპუტატები მწყობრად დაეწყვნენ და აბსოლუტურად არაადეკვატურ განცხადებებს აკეთებდნენ. რაც შეეხება გედევან ფოფხაძეს, მე ვფიქრობ, რომ ასეთი პარლამენტის წევრი საერთოდ არ უნდა არსებობდეს. მისი განცხადება არის სახელმწიფოს ინტერესის წინააღმდეგ დანაშაული. იგივეს ეხება ბატონ სესიაშვილს და მე ვფიქრობ, ნორმალურ ქვეყანაში ამას პარლამენტის მხრიდან უნდა ჰქონდეს რეაგირება“, - განაცხადა ვაშაძემ.
ცნობისთვის, გედევან ფოფხაძემ გუშინ განაცხადა, რომ თუ საპრეზიდენტო არჩევნებს გრიგოლ ვაშაძე მოიგებს, სამოქალაქო ომი დაიწყება.
