მიმდინარე ზაფხული უკრაინის ზეთოვანი კულტურებისთვის საკმაოდ პოზიტიური აღმოჩნდა. ექსპერტები ვარაუდობენ, რომ მზესუმზირის მოსავალი 5 პროცენტით გაიზრდება. შესაბამისად, მოსალოდნელია სარეკორდო რაოდენობის 7 მილიონი ტონა მოსავალის მიღება.
ანალიტიკოსები მიიჩნევენ, რომ მოსავლის 95 პროცენტი ქვეყანაში იქნება გადამუშავებული. რუსეთიდან მზესუმზირის ზეთის ექსპორტის შემცირებისა და ასევე არგენტინაში ამ კულტურის წარმოების ვარდნასთან ერთად მსოფლიო ბაზარზე უკრაინის პოზიციები სულ უფრო მყარდება და მიმდინარე წელს უკრაინა ამ ბაზრის 60-65 პროცენტს აითვისებს. 2009 წელს ეს მაჩვენებელი 59 პროცენტს შეადგენდა.