შინაგან საქმეთა ყოფილი მინისტრი, ვანო მერაბიშვილი სოციალური ქსელის მეშვეობით, გაერთიანებული ოპიზიციის კანდიდატს, გრიგოლ ვაშაძეს მეორე ტურში გასვლას ულოცავს.
„დიდი სიხარულით მინდა მივულოცო ჩემს მეგობარს, გრიგოლ ვაშაძეს წარმატება. გუშინდელი არჩევნებით ქართველმა ხალხმა დაამტკიცა, რომ მას ღირსებას ვერასოდეს ვერავინ წაართმევს. მიხარია, რომ ჩემი განცდა და სურვილი რეალურად დადასტურდა - ოპოზიცია ერთიანად იბრძვის გამარჯვებისთვის. მეორე ტურში ორმაგი უპირატესობა უნდა დავაფიქსიროთ“, - წერს ფეისბუქის გვერდზე მერაბიშვილი.
