თვეების წინ, როცა საკვლევი ობიექტი არ იყო წარდგენილი, გრიგალაშვილის დამცველმა არაერთხელ განაცხადა, რომ მის მიერ კერძო ექსპერტიზის ბიუროში, შპს „ვექტორში“ დანიშნული ექსპერტიზის დასკვნა აბსოლუტურად გააბათილებდა ბრალდების მხარის მიერ წარმოდგენილ მტკიცებულებას. რა დასკვნის მოტანის ილუზია აქვს ქალბატონ ნაირა ოტიაშვილს, არ ვიცი. ალბათ, ბრალის შემსუბუქების გამო აკეთებს ამას, - აცხადებს თემქაზე მოკლული ანა ნაცვლიშვილის ოჯახის ადვოკატი, მაია ქავთარაძე.
ის და ნაცვლიშვილის მამა ვარაუდობენ, რომ დაცვის მხარე ბრალდებულ ლადო გრიგალაშვილისთვის მუხლის შემსუბუქების მიზნით, ალტერნატიულ ექსპერტს მათთის სასურველ შედეგს დააწერინებენ.
„ექსპერტი და დამკვეთი, ფინანსურად ერთმანეთზე არიან დამოკიდებული. აქედან გამომდინარე, გამორიცხული არაფერია. არ ვიცით, ალტერნატიული ექსპერტიზა რა დასკვნას წარმოადგენს, მაგრამ დიდი სურვილი გვაქვს, რომ ყველამ კეთილგონიერებას მოუხმოს და ისეთი დასკვნები არ გასცეს, რაც სიმართლესთან კავშირში არ იქნება,
გააყალბებს თუ არა, ამას ვერ გეტყვით, მაგრამ შესაძლოა, დამკვეთის სასურველი დასკვნა გასცეს. თუნდაც, ორაზროვანი და არაზუსტი გამონათქვამებით, რაც შემდეგში მითქმა-მოთქმას გამოიწვევს.
ალბათ, ბრალის შემსუბუქების გამო აკეთებს ამას. ეჭვი მეპარება ქალბატონ ნაირა ოტიაშვილს თვითონ ჯეროდეს ვლადიმერ გრიგალაშვილის უდანაშაულობა. ის ადვოკატია და ვალდებულია, მისი ინტერესები დაიცვას, მაგრამ არის ზღვარი, რომლის იქითაც გადასვლა არ შეიძლება“, - აცხადებს ქავთარაძე.
როგორც ის განმარტავს, ბრალდების მხარის მიერ წარმოდგენილი ექსპერტიზის შედეგები მათთის სარწმუნოა.
„ბრალდების მხარის მიერ, სასამართლოში წარმოდგენილია რამდენიმე ექსპერტიზა. კერძოდ, ბილოგიური, გენეტიკური, სეროლოგიური, ტრანსოლოგიური , ქიმიური და სამედიცინო-კრიმინალისტიკური ექსპერტიზა, რომლის თანახმადაცმ უტყუარად დასტურდება, რომ აღნიშნული დანაშაული, ნამდვილად ლადო გრიგალაშვილმა ჩაიდინა.
საქმის მასალებით დადგენილია, რომ ანა ნაცვლიშვილს მიყენებული აქვს 33 დაჟეჟილი, ნაკვეთი და ნაკვეთ-ნაჩხვლეტი ჭრილობა. აქედან 14 ნაკვეთ-ნაჩხვლეტი ჭრილობა უშუალოდ კისრის არეშია მიყენებული, რომელიც დამდგარ შედეგთან მიზეზობრივ კავშირშია.
ექსპერტმა აბსოლუტურად ამომწურავი პასუხი გაგვცა, რომ გამორიცხული არ არის, დაზიანებები, რომელმაც სასიკვდილო შედეგი გამოიწვია, შესაძლოა, მიყენებული იქნეს ამ დანით. დაცვამ ამაზე დიდი იმედი ააგო და ადვოკატი სისტემატიურად ამბობს, რომ ეს დასკვნა კატეგორიული არ არის. დანა, რომელიც მკვლელობის იარაღადაა გამოყენებული, ქარხნული წარმოებისაა, ასეთი დანა კი სერიულადაა გამოშვებული, რის გამოც, კატეგორიული დასკვნის დაწერა არ შეიძლება.
ადვოკატს რისი მიღწევა სურს არ ვიცი, ალბათ, საზოგადოებრივი აზრის შეცვლა უნდა, რადგან ყველა ნეგატიურად არის განწყობილი. საშინელი დანაშაული მოხდა, ახალგაზრდა გოგონა 33 ჭრილობით, ყელის არეში 14 ჭრილობითაა გარდაცვლილი, ეს განსაკუთრებული სიასტიკით ჩადენილი მკვლელობაა“, - აცხადებს ადვოკატი.
მისივე განმარტებით, საქმეში გარდა ექსპერტიზის დასკვნისა, სხვა უამრავი მტკიცებულებაც არსებობს, რაც ლადო გრიგალაშვილის ბრალეულობაზე მეტყველებს.
„საქმეში დევს დაკითხვის ოქმი, ფარული ჩანაწერი, სადაც გრიგალაშვილი აბსოლუტურად მშვიდ გარემოში ზის და მშვიდად საუბრობს, მის მიერ ჩადენილ დანაშაულზე, მოტივზე, საშუალებაზე, როგორ ჩაიდინა დანაშუალი,სად შეინახა დანა, როგორ გარეცხა, როგორ მივიდა ოჯახის წევრებთან და დანარჩენი მოქმედებები როგორ შეასრულა. მერე უცებ, გადათქვა ყველაფერი.
აღსაშფოთებელი და გასაკვირი იყო ბრალდებულის დედის ჩვენება, რომელსაც შვილი უვადო პატიმრობის მუხლით ჰყავს ბრალდებული. ძალიან მომღიმარი და ცინიკური სახით განაცხადა, რომ მან „დასტოინი“ შვილი აღზარდა. მისმა ე.წ. დასტოინი შვილმა სავარაუდოდო, 33 ჭრილობა მიაყენა ნაცვლიშვილს. აქედან გამომდინარე თავი უნდა შეეკავებინა და სასმართლოს განაჩენს მაინც დალოდებოდა.
გარდა ამისა, არ უნდა დაგვავიწყდეს სხვა მუხლებიც, რომლიც გრიგალაშვილს აქვს წარდგენილი. ეს არის გამოძალვა, პირადი ცხოვრების ხელშეუხებლობა და პირადი ინფორმაციის გავრცელება, რაც გრიგალაშვილის მორალზე უტყუარად მეტყველებს“, - აცხადებს ქავთარაძე.
ცნობისთვის, 20 წლის ანა ნაცვლიშვილის მკვლელობის საქმეზე მოკლულის შეყვარებული, ლადო გრიგალაშვილი დააკავეს, ის ჩადენილ დანაშაულს არ აღიარებს.
